Улуустаа5ы волонтерскай штаб уонна ЯРО ВОД «Матери России» Уус-Алданнаа5ы салаата кыттыһан, Эйэлээх олоҕу түстээн, «Сахалыы олбох» акция ыҥырыытыгар Түүлээх нэһилиэгиттэн «Айылгы», «Айаана» түмсүүлэр холбоон 34 устуука олбох тигэн ыыттылар.

Үгэскэ кубулуйбут 5-с сылын ыытыллар «Кус миинэ» акция ыам ыйын 22 күнүгэр Алдан өрүс биэрэгэр, Байанай аартыгар буолла

Ыра санаа оҥостубут, күүтүүлээх-кэтэһиилээх бэкээринэ саҥардыллан үөрүүлээх аһыллыыта ыам ыйын 14 күнүгэр буолла. Улууспут, нэһилиэкпит дьаһалтата, меценат, предприниматель дьоммут, ыраахтан — чугастан биир дойдулаахтарбыт, бүттүүн нэһилиэгинэн түмсэн, биир сомоҕо буолан, нэһилиэкпитигэр саҥа оһох ылыллан сибиэһэй килиэп сыта дыргыйда.

Бүгүн ыам ыйын 9 күнүгэр «Өлбөт үйэлээх полк», Кыайыы парада СЭЛЭЛИИ хаамыыларынан саҕаланан, үөрүүлээх миитиҥҥэ, нэһилиэкпититтэн 31 хорсун буойуннарбыт кэриэстэригэр, нэһилиэкпит баһылыга Станислав Викторович Винокуров, нэҺилиэк депутаттарын бэрэсэдээтэлин солбуйааччы Николай Семенович Турантаев, Д.Д.Оллонов аатынан орто оскуола 10 кыл. үөрэнээччитэ Эрхан Неустроев венок уурдулар.

Ыам ыйын 8 күнүгэр Улуу Кыайыы 81 сылын көрсө үгэс буолбут «Өйдөбүнньүк чүмэчи» аахсыйа5а кыттыҺан Түүлээх нэһилиэгэр Кыайыы түҺүлгэтигэр, А5а дойду сэриитигэр баран сырдык тыыннарын толук уурбут буойуттарга, сэрии ветерааннарыгар, үлэ фронун кыттыылаахтарыгар, тыылга үлэлээбит ытык дьоммутугар сүгүрүйдүбүт. И.Артамонов «Кыайыы салюта» хоһоону күргүөмүнэн аа5ыыга 56 киьи кытынна.