Үгэскэ кубулуйбут 5-с сылын ыытыллар «Кус миинэ» акция ыам ыйын 22 күнүгэр Алдан өрүс биэрэгэр, Байанай аартыгар буолла. Нэһилиэкпит эр дьоно аҕам саастаахтарга анаан акцияҕа кыттыһан кус бэрсэннэр бу тэрээһин ыытылынна. Ньукуолун күнүн Алдан эбэ биэрэгэр кус миинэ иһэн, оонньоон — көрүлээн, аҕам саастаахтар «Айылгы» түмсүү кыттыылаахтара бэрт сэргэхтик көрүстүлэр. Нэһилиэкпит кусчут дьонугар, тэрийээччилэргэ, махтал, алгыс тылларын эттилэр.
