Быйылгы Үрүҥ Тунах Ыһыах «Кэскил» оҕо уһуйаана тэриллибитэ 65 сылыгар ананар.
Кэлбит ыалдьыттар киириигэ түптэ буруотунан ыраастанан, арчыланан аастылар.
Нэһилиэк баһылыга Станислав Викторович Винокуров сахалыы сиэринэн аал уот оттон, алгыс тыл этэн, алаадьылаах кымыһынан айах тутан күндүлээн Айыылартан көрдөстө.
Нэһилиэк эдэр ыччата Эрхан Неустроев Ытык дуоҕаны киллэрэн баһылыкка туттарда. Станислав Викторович Ытык дуоҕаны илиитигэр тутан ытык сэргэҕэ хороччу аста.
Детсад үлэһиттэригэр, нэһилиэк активнай олохтоохторугар араас таһымнаах элбэх наҕараада, эҕэрдэ суруктар туттарылыннылар. Уус Алдан улууһун Түүлээх уонна Чэриктэй нэһилиэктэрин округуттан улуус мунньаҕын депутата Стрекаловскай Андрей Васильевич истиҥ эҕэрдэтин эттэ.
1960 сыллаахха Түүлээххэ нэһилиэк сэбиэтин иһинэн дьааһыла аһыллыытын көрдөрөр инсценировка туруорулунна. «Сайыҥҥы абылаҥ» эҕэрдэ кэнсиэри киэргэттэ Саха республикатын үтүөлээх артыыһа Анастасия Готовцева.
«Долгулдьуйар уһун суһуох» күрэх кыайыылаахтара: 5-10 саастаах кыргыттарга-Скрябина Айсена буолла, батта5ын уһуна- 7 тутум 4 тарбах. 11-18 саастаах кыргыттарга — Татаринова Карина, кини баттаҕын уһуна — 8 тутум 4 тарбах. Кыайыылаах кыргыттарбытыгар күрэхпит спонсордара уһун суһуох күрэх хас да төгүллээх кыайыылааҕа Мария Андреевна Винокурова уонна өр сылларга детсадка үлэлээбит үлэ бэтэрээнэ, сэрии кэмин оҕото Сыроватская Акулина Васильевна аатынан оҕолоро анаабыт бириистэрэ туттарылыннылар.
«Ыһыах маанылаах таҥаһа» сахалыы таҥас күрэх кыайыылаахтара: уһуйаан саастаах оҕолорго «Кыыс о5о маанылаах таҥаһа» анал аат кыайыылаа5а Гаврильева Соня, «Уол о5о маанылаах таҥаһа» анал аат кыайыылаа5а Готовцев Туйгун. Кинилэргэ «Кэскил» о5о уҺуйаана анаабыт бириистэрэ туттарылыннылар. Оскуола саастаах оҕолорго «Кыыс о5о маанылаах таҥаһа» анал аат кыайыылаа5а Максимова Күннэй, «Уол о5о маанылаах таҥаһа» анал аат кыайыылаа5а Сыроватский Айсен, кинилэргэ Винокурова Мария Петровна аатынан оҕолоро туруорбут бириистэрэ туттарылынна. «Дьахтар маанылаах таҥаһа» анал аат хаһаайкатынан буолла Готовцева Туйара Васильевна, Дмитриева Акулина Прокопьевна аатынан о5олоро, сиэннэрэ туруорбут бириистэринэн на5араадаланна.
«Астан бастыҥ айымньы» дьахталларга күрэх кыайыылаахтара: «Үрдүк маастарыстыба», «Өлгөм ас» анал ааттар кыайыылааҕа Винокурова Алдана Алексеевна, Винокурова Варвара Афанасьевна уонна Марфа Прокопьевна, Иван Иванович Богдашиннар ааттарынан бириистэринэн наҕараадаланна, бирииһи туруордулар Винокурова В.А уолун дьиэ кэргэнэ, Богдашина М.П., Богдашин И.И. оҕолоро. «Ураты көстүү» анал аат кыайыылааҕа Иванова Мариянна Васильевна, киниэхэ өр сылларга дьааһылаҕа үлэлээбит, үлэ, тыыл бэтэрээнэ, сэрии кэмин оҕото Борисова Тамара Федоровна аатынан бириис туттарылынна, бирииһи туруорда Борисова Т.Ф.оҕолоро.«Дьон биһирэбилэ» анал аат кыайыылааҕа Стрекаловская Мария Алексеевна, «Айылгы» түмсүү туруорбут бирииһинэн наҕараадаланна. «Астан бастыҥ айымньы» анал аат хаһаайкатынан буолла Готовцева Туйара Васильевна, киниэхэ урбаанньыт Халдеева Варвара Касьяновна анаабыт бирииһэ туттарылынна.
«Оһуохай оһуора» күрэх кыайыылааҕа Афанасьева Агафья Андреевна буолла уонна Копырина Марфа Васильевна, Копырина Мария Васильевна, Поротова Анна Петровна ааттарынан оҕолоро туруорбут бириистэринэн наҕараадаланна.
«Сайаана Куо» кыргыттарга аналлаах күрэх кыайыылаахтара: «Сайаана Куо» (уһуйаан) — Эмилия Винокурова, оҕо уһуйааныгар өр кэмнэргэ сэбиэдиссэйдээбит,РФ үөрэҕириитин туйгуна, РФ уопсай үөрэхтээһинин, СР үөрэҕириитин Бочуоттаах үлэһитэ Семенова Анна Ильинична анаабыт бирииһинэн наҕараадаланна. «Сайаана Куо» (оскуола) — Милана Ушницкая, оҕо уһуйааныгар өр кэмнэргэ сэбиэдиссэйдээбит, РФ үөрэҕириитин туйгуна, РФ уопсай үөрэхтээһинин, СР үөрэҕириитин Бочуоттаах үлэһитэ Семенова Анна Ильинична анаабыт бирииһинэн наҕараадаланна. «Талаана Куо» — Сандаара Заровняева, оҕо уһуйаанын сэбиэдиссэйэ Волкова Любовь Ивановна анаабыт бирииһэ туттарылынна. «Айыы Куо» — Василиса Сыроватская, оҕо уһуйааныгар өр кэмнэргэ үлэлээбит, тыыл, үлэ бэтэрээнэ Громова Мария Романовна аатынан сиэннэрэ туруорбут бириистэринэн на5араадаланна. «Кэрэ Куо» — Айыына Максимова, Готовцева Туйара Васильевна анаабыт бирииһинэн наҕараадаланна. «Уран Куо» — Волкова Дарина, оҕо уһуйааныгар өр кэмнэргэ үлэлээбит, тыыл, үлэ бэтэрээнэ Громова Анна Романовна аатынан о5олоро, сиэннэрэ анаабыт бириистэринэн на5араадаланна, «Нарын Куо» — Аливия Васильева, Копырина Прасковья Михайловна аатынан о5олоро туруорбут бириистэринэн на5араадаланна. «Дьон биһирэбилэ» — Милана Ушницкая, дьиэ кэргэн династията Бережнева Елена Никитична, Пестрякова Алена Гаврильевна, Бережнева Татьяна Гаврильевна анаабыт бириистэрэ туттарылынна.
Оҕолорго бэрт сэргэх спортивнай күрэхтэр буоллулар. Кыайыылаахтарга анал бириистэр, грамоталар туттарылыннылар.
«Алдан боотура-2026» многоборье күрэххэ 7 эр бэрдэ кытынна. 3 миэстэни ылла — Самсонов Алексей, 2 миэстэ — Стручков Игорь, кыайыылааҕынан Стручков Константин буоллулар.
Спортивнай күрэхтэр спонсордара:
Түүлээх нэһилиэгин депутаата — Валентин Михайлович Бережнев, урбаанньыт — Петр Иванович Заровняев, улуус мунньаҕын депутаата — Андрей Васильевич Стрекаловскай,Гаврил Гаврильевич Ушницкай,Харабыл уонна конвойдааһын взводун хамандыырын солбуйааччы, полиция младшай лейтенана — Николай Владимирович Бочкарев,Урбаанньыт, «У СЕМЕНА» маҕаһыын хаһаайына — Семен Семенович Петухов,32 нүөмэрдээх «КЭСКИЛ» оҕо уһуйаана,»ТҮҮЛЭЭХ НЭҺИЛИЭГЭ» тыа сирин түөлбэтин дьаһалтата,Урбаанньыт, «МЕДВЕДЬ» маҕаһыын хаһаайына — Михаил Михайлович Тарскай,Урбаанньыт, «УУС АВТОСЕРВИС» хаһаайына — Гаврил Гаврильевич Иванов,Түүлээхтээҕи НАДь директора — Константин Константинович Винокуров.
Үрүҥ тунах ыһыахпыт үрдүк таһымнаахтык ыытыллыбытыгар махтанабыт бары тэрийсибит, кыттыбыт, спонсордаабыт бар дьоммутугар. Инникитин даҕаны биир санааҕа түмсэн элбэҕи тэрийиэхпит, кыайыахпыт диэн баҕа санаабытын тиэрдэбит.